انا اسف يا اغلى شخص حبيتو

[خيال القمر]

أنا آسف ياأغلى شخص حبيته

:كثير اللي تمنانـي وطلـب ودي ولاجيتـه

ازعلهم وابكّيهم واراضي منهـو اشقانـي

انا باندم على خل ٍ رجاني حـب وخليتـه

ولا باندم على منهو رجيته حب وخلانـي

صحيح الوقت ياصاح يبيّن كل ما اخفيتـه

وانا كلي غلا اعطيت وبالجـرح تجزانـي

انا من وقت ما شفته وعشقته حيل وحبيتـه

فديته غالي العمر وملك قلبـي ووجدانـي

عطيته وما حسبت حساب جروحه وتحاليته

وقلت الله على خلي هدية ربـي وجانـي

ما دام الغدر إسلوبك وحبي لـك تناسيتـه

دخيلك امسح ارقامي واسمـي وعنوانـي

انا مالي بحب أبكم جيتـه وكـم ترجيتـه

طلبته يقول احبك بـس ولكنـه تناسانـي

غريبه دنيتي والله غريب الحـزن عانيتـه

غريبه حلمي يتحطم وعمري كلـه اعانـي

انا الطيبه من عيوبي وصدقي طفل ربيتـه

وعلمته على الاخلاص لكل إنسان ماشاني

خساره ما بدر مني لكـل إنسـان رديتـه

خساره ليتني فكرت قبـل اختـار خلانـي

أنا آسف..أنا آسف يا اغلى شخص حبيتـه

ابرحل واترك العالم واعيش الفرحه ثواني

ابرحل في سما عشق ٍ بكل إحساس ناديتـه

وابرحل عن عيون الناس وعن حب ٍ نساني

خيال القمر
ذكرى لن تتجدد

[شوووووق]

غريبه دنيتي والله غريب الحـزن عانيتـه

غريبه حلمي يتحطم وعمري كلـه اعانـي

قصيدة رووعه

ذائقه جميلة يالغلا

[فـًٍـًٍديـًٍتـًٍهـًٍأأأًٍ]

سلمتي وسلمت يمناكي
الله لا يفرق بين الاحباب
يعطيكي ربي الف الف عافية
دمتي بصحه وسلامة